§¤¤{ ثمان سنين }¤¤§

[مشاعري ما تغيرت]

§¤¤{ ثمان سنين }¤¤§


شفتها ياسعود صدفه بعد
ماغابت سنين...
عند قسم المختبر وسط مشفى الجامعه ..
جيتها ثم قلت ممكن في سؤالي تسمحين...
ناظرت فيني بنضره دهشة متواضعه..
قالت انت تحسبني من بنات صايعين...
تحسبني في زماني عن طريقي ظايعه..
قلت انا ماراح اطول كل ابوها كلمتين ...
استدارت وراحت ثم جتني راجعه..
قلت اسأل واظح انك من رجال طيبين...
لكن هرجك ياسنافي كان وشهو دافعه..
قلت انا حبيت وحده يوم كنا صغيرين...
ومن ثمان سنين راحت للمواصل قاطعه..
من عقبها ماذقت نوم يهتنيه النايمين...
ساهر في طول ليلي لين شمسي طالعه..
أذكر انه فيه حبه فوق ثغره من يمين...
واذكر إنا لاجرينا كان شعره تابعه..
أذكرإنه عاشق الورد والياسمين...
لين صار قلبي بالورود اللي عشقها زارعه..
طابعا إسمه بقلبي فيه سين وفيه عين...
وفيه الف وفيه دال وسط قلبي طابعه..
قاطعتني بقولها سبحان رب العالمين...
كررتها مره ومرتين ورابعه..
قلت وشفيك يابنيه ترجفين...
وش بلا عيونك من كلامي دامعه..
قالت الموقف وقلبي والحنين...
وشلون اشوفك بعد ماكنت عنك قانعه..
الحين انا حالي مثل حال السجين..
حتى لو فكو صراحه فيه شي مانعه..
بيعو ني غصب حبك وحرموني حاجتين...
عيشه هنيه والحياة الرئعه..
الحين أنا ام لثلاثه عندي ريم وياسمين..
والولد اسمه على اسمك والمشاعر جايعه.

[كويتيه]

يسلموو
الصرحه اشعر مؤثر يعطيك العافيه عالابداع
مشكور

[لمعة سيوف]

صح لسانك كلمات روعه

[مشاعري ما تغيرت]

رائعة انتي كويتيه و لمعة سيوف

بكل معاني الروعه

سلمتي وسلمت لنا اطلالتك البهيه

لك ارق واعذب التحايا

[سلطان الغرام]

صح السانك وسلمت يمينك يالغالي
قصه اتت على شكل قصيده لكن واضحة الملامح وسهلت المعاني

يعطيك العافيه يالغالي
و
اسمح لي بنقلها لقسم الشعر