أمهاتنا تشاركنا في منتدى دانة الكويت.. (لقاء خاص مع أم كل عضو من الأعضاء)

[~ أوراد ~]

أمي أكبر من أي مقدمـــه



http://i47.tinypic.com/a1u6uv.jpg



أسألوا دمي...وسعادتي و همي
أسألوا التوفيق...والكدر و الضيق أسألوا الطيب في صفاتي...والدعاء اللي في صلاتي
أسألوا شهودي...والدموع اللي في سجودي
أسألوهم وأسألوا دمي...عن غلا أمي






أخواني وأخواتي


جميل بأن يكون للأم في منتدانا العزيز مكانة .. وأن نأخذ بآراء أمهاتنا الحبيبات في الإجابة على بعض الأسئلة.. لذا حباً وتقديرا وعرفاناً مني لأمي حفظها الله.. أحببت أن يكون للأم مكانة بين قلوب





أعضاء دانة الكويت{}


فحياك الله أيتها الأم الحبيبة في هذا اللقاء الذي سينار بقدومك له





وهدفي من هذا الموضوع
لنتغلغل إلى بيت كل وأحد منـا
ونجــري لقاء مع أمهاتنا فأمكم هي أمي ..,أمي هي أمكم



http://i47.tinypic.com/a1u6uv.jpg



بالنسبة لفكرة الموضوع...


أقوم باختيار احد الأعضاء .. واطرح عليه أسئلة ويقوم هو بدوره بطرح الأسئلة على والدته حفظها الله.. وأبقاها ..
وعند اكتمال الإجابة يقوم هو بدوره بوضع إجابات
والدته حفظها الله هنا...

ثم يقوم نفس العضو باختيار احد الأعضاء ويوجه له نفس الأسئلة وان أحب الإضافة على الأسئلة .. فله ذلك..



وأنا بدوري اختار أولاً
صاحبه الحضور المميز..و القلب النابض في المنتدى

الأخت : أسيرتك يا الغلا






ملاحظة: أتمنى وضع نفس إجابات أمهاتكم
لنعيش معهم بصدق.<-- حتى وان كانت الإجابات (فيها تهزيه هههههههه)

دعوا أمهاتنا يعيشون بيننا انتظر بلهفة إجابات أمهاتكم



http://i47.tinypic.com/a1u6uv.jpg



الأسئلة..هي





السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟





السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟





السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟





السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟





السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟




السؤال السادس :
نصيحة تنصحيننا بها أثابك الله ؟



http://i47.tinypic.com/a1u6uv.jpg




مع أخلص واصدق الدعوات لكم جميعا

الي يبيغير اجابـات امه يا ويله ههههههههههه

ننتظرك ,, أسيرتك يا الغلا ,,تتاخرين علينا



الفكرة منقولة


أتمنــــــــــــى التفااااااااعل


تحياتي للجميييييييييييع


ذنبــــــــــي أنا

[علي الشمري]

ذنبي انا يعطيج العافيه ويسلم يمينج ننتظر اسيرتك

[~ أوراد ~]

الله يسلمك ويعافيك

يــــــــــــلا أسيــــــــــــرتك

[اسيرتك يا الغلا]

السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟

يشغل الفراغ وياخذ الوقت علي الفاضي ههههههههههههه امي تقول نعم لانج اذا اخذته مااشوفج





السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟

الله يوفقج بدراستج ويرزقج ببن الحلال





السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟

فوضويه <<< اذا بغت تطلع تعفس البيت<< لوووول امي خربتهاا






السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟

نعم يخرب حيل بعد مو شويه






السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟

تغير نفوس البشر اللي كلهاا حقد وحسد << لانه يبعد الناس عند بعض ويشين النفوس




السؤال السادس :
نصيحة تنصحيننا بها أثابك الله ؟
النصيه هي انكم لاتشيلون بقلبكم علي الناس لانه الحقد اللعن صفه

ههههههههههههههههههههه
لووووووووووووووول امي مصخرتني

يعطيج العافيه علي الاسئله الحلوه

[~ أوراد ~]

الله يعافيج يا قلبي وواااااااااااااايد حلوة أجوبة الوالدة

ما قلتي لنا منو بعدج تختارين عضوووو؟؟؟

[ولعــ ثم صديت ــتني]

(( ذنبي انا ))

تسلم يمينج يالغلا على الطرح الاكثر من رائع

اسيرتك يالغلا

الف الف مبروك على الي سوته فيج امج

هههههههههههههههههههههههه

تقبلو مروري واحترامي

[~ أوراد ~]

الله يسلمك يارب وأشكرك على التجاوب والمرووووووووووووور

تحياتي لك

ذنبـــــي أنا

[{ لقيت روح ـيے ~]

يس’ـلموووووو

موضوع في غ’ـآيه الروعه ~




مح`ـبتي ..

[~ أوراد ~]

الله يسلمج يا قلبي نورتي

http://i48.tinypic.com/6ozioy.gif

[اسيرتك يا الغلا]

هههههههههههههههه اي امي فضحتني عندكم

اللي بعدي ولعتني ثم صديت

[~ أوراد ~]

خلاااااااااااااااص ولعتني

بإنتظااااااره

[الشكوى لله]

يعطيج العافيه يالغلا

ع موضوووع الحلوووو

[مهاجر]

الله يخلي امهاتكم لكم


ونشووف اجابات حلووه

[علي الشمري]

اسيرتك الله يخلي امج يارب وزين تسوي تساتاهلين هاذي حوبتنا

[اسيرتك يا الغلا]

هههههههههههههههههههههههه
لا عادي خليها تمصخرني يا زينهاا علي قلبي عسل حتي لو تطقني عادي

[علي الشمري]

اي والله زين تسوي بردت قلب الله يخليها يارب

[ولعــ ثم صديت ــتني]

السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟

تقول انت تركت الدنيا كلها من عرفت النت



السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟

الله يوفقك ويهديك



السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟

لا غير فوضوي لان ما نشوفك اما دوام ولا نت



السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟


كل شي اذا زاد عن حدة قلب ضده

يعني عادي تدلع عيالها بس بالمعقول


السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟

عقلك الي اهو عقلي انا لا حول





السؤال السادس :
نصيحة تنصحيننا بها أثابك الله ؟

الله يوفقكم ويحفظكم لهلكم

[اسيرتك يا الغلا]

الله يخليهاا لك


يا العصبي

[ولعــ ثم صديت ــتني]

(( اسيرتك يالغلا ))

تسلمين يالغلا ويخليج لهلج يارب

نسيت اقول العضو الي بعدي

العضو التالي = اترك الاختيار حق ذنبي انا

اهي راح تختار عضو التالي منو اتنازل لها

باختيار العضو ؟؟؟؟ بانتظار رد ذني انا

[~ أوراد ~]

يعطيك العافية ولعتني على الأجوبة الراااااااااااااائعه الله يخلي لك الوالدة ويبعدها عن كل شر

يسلمووووووو أسيرتك وعلاوي ومهاجر على المرووووووووور

[~ أوراد ~]

العضووووووووووو التااالي رايح يكوووووووووووووون
{

}

{

}
مهاجر

[بـنـت الاصـايــل]

لوووووووووووولز
موووضووع حلوووو
وي وي وي امي لالالالا
هع ههههههههههههههههههههه
يسسلمو يااقلب ع الطرح المميز
وي اسيرتك مصخرتج امج عسىى مااشر لووووووووولز
ها ها ها علي نبي المصخره لك وين الماما
لوووووووووووووووولز
< ملغتهاااا

[الخوف من المجهول]

ذنبي أنا موضوعك جدا رائع
يعطيك العافيه وشكرا لهذا التميز لطرح مثل هذه المواضيع دمتي بألف خير

[الخوف من المجهول]

الله يحفظ أمهات الجميع ويرحم موتاهم
ذنبي أنا موضوع في غاية الروعه
لكي كل تقدير وأحترام
وتقبلي ودي قبل ردي

[~ أوراد ~]

يسلمووووووووو بنت الأصايل والخوف من المجهووووول على المروووووور

والرد الجميييل

تحياتتتي لكم

ذنبـــــي أنا

[منتهى الذوق]

واااااااااااااااااو الصراااحهـ فكرهـ خطييييييييييييييرهـ..

تسلمييييييييييييييين يااذنبي اناا على الافكاااااااااار الخطييييييييييييرهـ...

[~ أوراد ~]

واااااااااااااااااو الصراااحهـ فكرهـ خطييييييييييييييرهـ..

تسلمييييييييييييييين يااذنبي اناا على الافكاااااااااار الخطييييييييييييرهـ...

الله يسلمج يا قلبي

ونورتي الموضووووع أتمنــــى لو أشووووفج دايما بالمنتـــدى

ننتظر مهاجر يوم بعد إذا مادخل نختار عضو أو عضوة يديدة

[مهاجر]

هلا وغلا


ذنبي أنا

اشكرك على اختياري

وسوووووري على التأخير النت عندي خربان


وان شالله استجووب الماما وابلغكم وش اللي يصير معي

[~ أوراد ~]

هلا وغلا


ذنبي أنا

اشكرك على اختياري

وسوووووري على التأخير النت عندي خربان


وان شالله استجووب الماما وابلغكم وش اللي يصير معي

العفو تستاهل

وأخذ راحتك وياريت لو تستعجل

تحياتي لك

ذنبــــي أنا

[هديل الكويت]

شكرا على الموضوع الحلو .. فكرة جديدة وغريبة

[مهاجر]

السلام عليكم

اسف على التأخير بس الوالده الله يهديها كل ما اقووله ابيك بكلمه راسه<<<< مسووي يموون عليها

تقوول مو فاضيه لك انت وسوالفك

اخيرأ صدتها لكم

السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
ايووالله لعب فيهم شف عيوونك وش صاير فيها واخووك سعد صاير مثلك ( ما عرفت كلمه النت ) شرحت لها ما فهمت تقوولي تقصد (الكربووتي ) يعني كمبيوتر




السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟

وراء ما تعرس ياليتك تسمع كلامي



السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟

انت الله يعيني عليك



السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟
ايه يخربهم وموزين لهم وش تقوول انت (مافهمت )




السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
اغيرك انت (ما تسمع الكلام)




السؤال السادس :
نصيحة تنصحيننا بها أثابك الله ؟

اترك الكربوتي عنك

[عشق بدوي]

هههههههههههههههه

ربي يخليها لك و يطول بعمرها

و يخلي امهاتكم و يطول بأعمارهم

خوش موضوع

دمتم بخير

[اسيرتك يا الغلا]

يا زينهاا وزين كلامهاا يارب خليهاا لك

وراك ماتسمع كلام امك يا رجاال

[علي الشمري]

ههههههههههههههههههههههههههههههههههه
مهاجر يعطيك العافيه والله يخليها لك (الكربوتي ) لووووووووووووووووووووووووووووول والله ضحكت من قلب الله يخليها يارب ودير بالك عليها تراهي راس المال

[~ أوراد ~]

لووووووووووووووووووووووووووووووووووووووول يا حليها والله

سلم عليها قول أعضاء المنتدى يقولون حياج الكربوتي معانا وناسه هههههههههههههههههههههههههههههههههههههههههههههههههه

مهاجر ماقلت لنا منو تبي وراك يكون لقاء مع أمه !!!!!!!!

حياك الله عشق بدوي وتسلم على المرووووووووور

تحيااااااااتي للجمييييييع

ذنبــــي أنا

[دلوعة وكلي فخر]

ههههههههههه وييييه

[~ أوراد ~]

يسلمووووووووو دلوعه وكلي فخر على المروووووووور

بما أن مهاجر للأسف ما قال لنا منو العضو إللي بعده أنا أختار مشرفتنا

بنــــــــــــت الأصـــــــــايـــــــــل

تحياتي للجمييييييع

ذنبي أنا

[بـنـت الاصـايــل]

لووووووووووووووووووولز
اختاارووني
ويت ويت
ارووح اسال الماما وارد






برب

[مهاجر]

الله يسلمكم جميعا

وشاكر على مروركم


والله يخلي امهاتكم لكم يارب

ذنبي أنا


يسلم على الاختيار

بنت الاصايل

مودتي

[علي الشمري]

يالله بنت الاصايل ناطرين الاجوبه لاتعلقينا

[~ أوراد ~]

الله يسلمكم جميعا

وشاكر على مروركم


والله يخلي امهاتكم لكم يارب

ذنبي أنا


يسلم على الاختيار

بنت الاصايل

مودتي


آمييييييييييييين يا رب

تستاهل وحيااااااااك الله

وناطرين أصووووووولتي بسرعه ههههه

تحياااااااتي للجميع

ذنبي أنا

[بـنـت الاصـايــل]

اولا سوري ع الاطاله ادري اخرتكم :biggrin: شنسوي ع مانصيد الماما والله مالوومك ياامهاجر ياموفااضيه او معصبه وخفت اسالها وهي معصبه عشاان ماتعطيني رد طووطوووطووو ^_^ فهمتوو لوولز
المهم واخيرا صدناها وسالنهاا ......





السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
اي حيل لدرجة نوم نت دراسه نت الله ياخذ من صنع الانتر لتن << ع قولتها :biggrin:
وكافي انتي كل يوم والثاني عيني عيني عيونج مارااحت الا مقابل النت 24 بالشاشه
السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
اتج تخلصين دراستج وتوظفين وتسوقين سياره وتفكيني من مشاوير وهم اخواج الاصغار وطلبااتهم << الله يعينها فديتهاا :23d:
السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
والله انتي ادرى وتشوفين بعينج بس الحمدلله مرات يطلع منج شي ترتبين >> احب الدار فووضووي اانا :biggrin:
السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟

اي يخرب طبع الواحد بس شسوي لافات الفوت ماينفع الصوت دلعتكم انا وابتلشت وخلاص مقدر اغير طبعكم بس ماقول غير الله يهديكم >> مجننينها احناا :biggrin:
السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟

الله يااخذ امريكا وصناعتهم لسيارات لانهم كل يوم وسياره جديده حرام راحو شبابنا موتا من الحوادث الله يستر عليهم وعاد هم الله يهدتهم فيهم طيره ماتنزل سياره الا يبوونها الله يااخذ امريكا وصناعتهم الي راح دمر حياتهم :27d: طبعا معصبه تنرفزت من طاري امريكا
السؤال السادس :
نصيحة تنصحيننا بها أثابك الله ؟
الله يهديكم ويصلحكم ويثبتكم ع ايمانكم وتريحوون قلووب امهاااتكم << شاايله هم الله يعينها فديتهاا



والسمووحه ع التااخير وان شالله كفت ووفت الماما .... ^_^

[تركي عبدالعزيز]

يآ جعل ربي يحفظ لكم آمهآتكم يآرب ..

ويخليهم لكل عين ترجيهم .. http://www.danaq8.com/vb/images/icons/icon17.gif

والله آستمتعت مع آجآبآت طويلآت العمر :biggrin:http://www.danaq8.com/vb/images/icons/icon17.gif

كآن لكل وحدهـ رونقهآ الخآص في آجآبآتهآ الله يحفظهم ..http://www.danaq8.com/vb/images/icons/icon17.gif


<~ ينتظر الإجآبآت الجآيه .. http://www.danaq8.com/vb/images/icons/icon17.gif

[بـنـت الاصـايــل]

يالله هالمره دووور تركي نبي نشووف الوالده الله يخليهاا لكـ

[علي الشمري]

بنت الاصايل الله يحفظ لج والدتج ويخليه لج يارب واتمنا انها تكفخج كل يوم
هههههههههههههههههههههههههههههههههههههههههههههههههه ههههههه
لووووووووووووووووووووووووووووووووووووووووووووووووو وووووووول

[اسيرتك يا الغلا]

بنت الاصايل الله يخلي لج امج يارب


ههههههههههههههههههههههههههههههه
امج جذي مو معصبه شلون لو معصبه لوووووووووووووووووووووول

[تركي عبدالعزيز]

هههههههههههه آمدآي آرد الآ ورطتوني الله يهديكم .. :biggrin:http://www.danaq8.com/vb/images/icons/icon17.gif

عآد آمي بزنس متى تفضى عشآن آسألهآ لبىآ قلبهآ .. :biggrin:http://www.danaq8.com/vb/images/icons/icon17.gif



السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟

مضيعه للوقت .. وآذآ كآن يستخدم بطريقه غير سليمه يصد الآبنآء آكثر من اللآزم عن وآلديهم ..



السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟

آتنمى الله يهديه وآنه يتجه لـ حفظ القرآن وآن آتكون همته آعلى وآسمى من مآ آتوقع ..



السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟

فوضوي لآنه لو طلبت منه شيئين .. يسوي الشي الآول ويترك الثآني < مآ يجمع :biggrin: ..

وآنه يترك الريموت بالمطبخ دآئم .. < :biggrin:





السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟

لآ بالعكس الدلع اللي بطريقه تربويه لآ يدمر بالعكس ينتج منه شخص نآضج عقليآ .. ووآثق من نفسه ..

< والله آمي مثقفه :26d:




السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟

والله آغير آولآدي آجعلم صآلحين غير مضيعين للآوقآت .. ودآئمآ يسعون لحسن الخآتمه .. وآن يظهر ذآلك على آعمآلهم ..



السؤال السادس :
نصيحة تنصحيننا بها أثابك الله ؟

آنصحكم تصير آتجآهتكم سليمه في كل مجآلآت الحيآهـ .. وآن لآ يشغلكم النت عن دينكم ودنيآكم ..



[ بنت الآصآيل ] ..


يعطيك العآفيه على هالتميز اللي آعتدنآهـ منك .. http://www.danaq8.com/vb/images/icons/icon17.gif:smile:

[بـنـت الاصـايــل]

:biggrin:



:biggrin:

[اسيرتك يا الغلا]

تركي
الله يخلي لك امك ان شاء الله

واسمع كلامهاا لاتنسي الريموت بالمطبخ مره ثانيه لووووووووووووووول

[~ أوراد ~]

الله يااخذ امريكا

ضحكتني حيييييييييييييييييييييييييييل أمج صج يابتها رايت الله ياخذ امريكا

حلوووووووة وايد إجااااااااااااباااااااااات امهاتكم

الله يخلييييييييهم يارب وحيااااااااااك الله يا تركي

نورت الموضووووووع

أختاااااااااااااااار قائدنا عااااااشق السيــــــــل

تحياااااااتي للجمييييييع

ذنبي أنا

[تركي عبدالعزيز]

^

:biggrin:




بنتظآر عآشق السيل ..~ :biggrin:http://www.danaq8.com/vb/images/icons/icon17.gif

[~ أوراد ~]

نقول لاعضاءنا أن ضيفنا عاشق

للأسف لايوجد من رد على أسئلته (( الله يرحمها ))

وعلى ذلك راح يكون لنا ضيف يديد وهو

(( ريكو ))

تحياتي للجميييع

ذنبي أنا

[~ بحرينية برونزية ~]

احم احم

تسلللم الايااادي ذنبي على الموضوع الحلوووو والله لا يحرمنآ من يديدج يالغلااا

هههههههههههههههههههههههههههههههههه

بعض الناس امهاتهم فضحووهم ههههههههههههههههههههههههههههه

خوش موضوع والله // والله يخلي لكم كل امهاااااتكم يااااااااااارب

تقبلي مرووري و تحيآتي ;)

[~ أوراد ~]

الله يسلمج يا قلبي ولو أنه اللون معقدني لووووووووووووول

تسلمين لي على المروووووووووور

وراح يكون لج دور ونشوف أمج تفضحج ولا لأ لوووووووووول

ننتظر ريكووو

وتحباتي للجميييييييع

ذنبي أنا

[~ أوراد ~]

أوكي للأسف حتى ريكوووو .... ماراح نلاقي له رد

أممممممم نختار

يالله يا قلبي سرينا

[ريكوو]

ذنبي وين شوي شوي علي

[بـنـت الاصـايــل]

ههههههههههههههههههه
وصل ريكوووو البطل
لووووووووولز

[ريكوو]

ايه فرحانه يابنت الاصايل بس عندي عذر لاتتهربين

[~ أوراد ~]

:15d:

الله يرحمها

[بـنـت الاصـايــل]

الله يرحمهاااا
معذوور خيوو

ذنبي اختااري من جديد تبيني ارشحلج >> لووووووووولز

[~ أوراد ~]

قلت :)

ياالله يا قلبي سرينــــا

[يالله ياا قلبي سرينـاا]

كااني سووري ع التاخير ههههههه

[اسيرتك يا الغلا]

ريكوو الله يرحمهاا

هههههههه فديت خالتوو اللي راح جاوب ع الاساله

لا طويل اوكي ْْْ

[يالله ياا قلبي سرينـاا]

والله امي عندهاا حريم مشغوله بالسوالف تخلص وارد والله
وللمره الثانيه اسفه ع التاخير ْْ ْْ

[يالله ياا قلبي سرينـاا]

السؤال الأول :
ماهي نظرتك للنت ؟ وهل فعلا ألنت سرق أبنائكِ من الجلوس معكِ ؟
نظرتي له زين بس على حسب الاستعماال اما انه سرق بنتي اي ودي اكسر الاب توب فوق راسهاا...


السؤال الثاني :
يا ترى ما هو الحلم و الأمنية التي تتمنينها لابنك أو أبنتك الذي يقرأ عليك هذه الأسئلة ؟
اتمنى انها ماتاخر في كليتها وتعديها بسرعه وتصير بنوتي الحلوه مدرسه مربيه اجيال ان شاء الله




السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
مريته حيل والله اسم الله عليها . لانها نظيفه حيل وبنظافتها جننتني والله




السؤال الرابع :
هل تدليع الفتاة أو الرجل يدمر؟ وكيف تجمع بين حبك وحنانك له وبين تدليعه الذي ربما يخربه؟
لا عاد مادلعها الدلع الي يخربها الحمدلله الدلع الي ادلعه لعيالي مناسب الحمدلله . اشد عليها بوقت الشده وارخيها يعني كل شي بوقته وحسب المواقف والظروف





السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
ماغير شي بالعالم لانه موبيدي والله والي كايته الله بصير غصب
اما عن نفسي اغير تصميم بيتي .




السؤال السادس :
نصيحة تنصحيننا بها أثابك الله ؟
انصحكم ان كل واحد مايتعدا حدوده مع غيره ويمسك نفسه عند الغضب لان هالشي بوديكم ابمهالك
وللبنوتات لا تزوجون لما تخلصون دراستكم وتكونون بوضايفكم

واشكركم وعسى الله يوفقكم ويهديكم
وانتوا هني اخوان وخوات كونوا ايد وحده

مع تحياتي ام المزيونه ..

[تركي عبدالعزيز]

^

يآ الله آن تحيي آم المزيونه ..~


وتخلي لهآ مزيونتهآ ..

وعليك فيهآ كسري الجهآز فوق رآسهآ ..

عشآن مآ عآد تدخل ولآ عآد يصير فيه آحد يرميني من الطيآرهـ :biggrin: http://www.danaq8.com/vb/images/icons/icon17.gif

[يالله ياا قلبي سرينـاا]

ههههههههههههه
حراام عليك تركي اشوه انها ردت وراحت موعندي الحين
بس قالت لي برد وبشوف شقالوا عني ههههههههههههه
والله العظيم اهي الي ردت واقولهاا يمه بسج تمصخر تقول تستاهلين هههههههه
ياازينها جعل الله يخليها لي ولا يحرمني منها يارب

مشكور .. بنت ام المزيونه .. يعني اناا
اشوه هذا احلى شي عجبني ام المزيونه ودي ابروزه ههههههههههههه

[عا السيل شق]

رد رااائع وماشاء الله عرفت تربي بنتها الاموره الرااائعه

بس تكسره على راااسج زين تسوي فيها رووح اجرااميه هههههه

[ريكوو]

الله يخليكم لبعض
امك طيوبه وايد يالله ياقلبي سرينا ماشا الله تبارك الله

[يالله ياا قلبي سرينـاا]

تسلموون والله يالغلاا :20d:
ماقصرتوا يمه منكم تبون الفكه مني حراام عليكم ... ^^ :15d::15d:

شكرا بعد قلبي ماتقصروون والله من طيب اصلكم ..

[~ أوراد ~]

لوووووووووووووووووووووووووووووووووول يا حلوها أمج

قوليلها وحده تبوس راسج وتسلم عليج واااااااايد

بس جملتها هذه تخرعني منها هههههههههههه

اي ودي اكسر الاب توب فوق راسهاا...

أنا أستغرب ليش الناس الكبار ما يحبون الكمبيوتر ؟؟؟

يصل يكون موضوع بقسم الحوار لوووووووووووووول

يعطيج العافية ياقلبي

[يالله ياا قلبي سرينـاا]

بعد قلبي والله تسلمين لي يااغلا واحلى صديقه والله
وتسلم لي هالبوسه والله لوصلها واقولها من احلى بنت ذنوووب
مادري شفتي شلوون حرام .. اي (كسرت خاطر نفسي ) ههههههه

حيااتي انتي والله ماقصرتي
دمتي بحفظ الرحمن ْْ ْْ

[يالله ياا قلبي سرينـاا]

الحين انا اختار صح ..؟!
اذا انا اختاار

علي الشمري

[اسيرتك يا الغلا]

ههههههههههههههههه وي يا زين خالتي طالعه علي بنت اختهاا

الله يطول بعمرهاا وماتحرمنا من ضحكتهاا الحلوه والله خالتي هذي حبوبه وايد وتحب تنكت يعني لو اي واحد يقعد عندهاا تضغطه ~~

زين تسوي فيج تكسره فوق راسك لانه لما اييج تذليني علي لاب لوووووووووول

[~ أوراد ~]

ههههههههههههههههه :13d:وي يا زين خالتي طالعه علي بنت اختهاا

لووووووووووووووووووووووووول أسيرتي فصلت

ماتقول أنا طالعة على خالتي لأ طالعة على بنت أختها ههههههههههههههههه :13d:

أنتوا المفروووض نخليكم توم وجيري المنتدى

أوووووووه :eek:بس بس بس :22d: علي :21d:

يا سلام على اختياااااااارج :13d:

علااااااوي ننتظر ردك

[اسيرتك يا الغلا]

هههههههههههههههه قصدي انا طالعه عليهاا خاني التعبير

ويص ويص

[يالله ياا قلبي سرينـاا]

ههههههههههه
عادي يخونج حبي بس المهم كلكم على عيني وراسي ياا اغلى البشر ..^^:20d::26d:

[يالله ياا قلبي سرينـاا]

اي يالله علي ان شاء الله بنشوف ردود الغاليه
بنتظارهاا ..^^

[علي الشمري]

امممممممممممممممم
اسمحولي هالفتره لان الوالده تعبانه شوي ولما تسمح صعتها بئذن الله ارح احط الاجوبه

[اسيرتك يا الغلا]

مسموح يالي تعذر

سلامتهاا ماتشوف شر

احنا بنتظارك ***

[يالله ياا قلبي سرينـاا]

ماتشوف الشر ان شاء الله
وعسى الله يقومها بالسلاامه يارب

بنتظااركم ...

[~ أوراد ~]

علااااااااااوي وقف الموضوووع يلا ميخااالف ننطر جم يوم وإذا ما قدر

نختار عضو يديد

تحياااتي للجميع

ذنبي أنا

[عا السيل شق]

يعطيك العافيه يالغلا

[الشكوى لله]

الله يخلى الكل امهااتكم

يسلمؤؤؤؤؤؤؤؤؤؤؤ يالغلا

ع موضوووووووووووووووو راااااائع

تقبلى مرورى مع باقة جوووري